Guðmundur Pálsson er fæddur og uppalinn í Grundarfirði og þar býr hann ásamt eiginkonu sinni og syni. Hann er vélfræðingur að mennt og starfar sem yfirvélstjóri á togbátnum Hring SH.

Guðmundur segir eldamennskunni nokkuð jafnt skipt á heimilinu milli sín og eiginkonu hans og það er allur gangur á eldamennskunni allt frá pasta og pítsum upp í lambakjöt, þ.e. nútímalegur, íslenskur heimilismatur. Hamborgar eru reglulega á borðum og þá helst yfir sumartímann þegar verið er að grilla.

Helstu áhugamál Guðmundar eru fluguveiðar og fluguhnýtingar og hann fer marga veiðitúra á hverju sumri og þá oftast í vötnin í kringum Grundarfjörð.

Um þennan hamborgara: „Ég var að halda upp á afmælið mitt og vantaði eitthvað gott í matinn fyrir marga svo ég skellti honum saman, það koma svona vel út.“